Sığorta şirkətlərinin qəza xidmətləri necə işləyirlər?… Real vəziyyət…

Uzun müddət idi ki, müştərilərim arasında qəza hadisələrinin olmaması sevindirici hal idi.
Ancaq budur…Son iki gündə üç hadisə.Və…Sığorta vasitəçisi prinsipimə uyğun olaraq, müştərilərimin hadisələrinin tənzimlənməsində yaxından iştirak etdim.
Və nə baş verdi?
Hadisə baş verən zaman ilk ediləcək iş, Yol Polisi və Sığorta Şirkətlərinin qəza xidmətlərinin məlumatlandırılması və hadisənin qanunun tələbinə uyğun qeydiyyata alınmasıdır.Yol Polisi vaxtında gələrək öz qeydiyyatını aparıb, müvafiq göstərişlərini verərək,hadisə yerindən uzaqlaşdi. Səkkiz illik sığortaçı praktikamda rastlaşmadığım problemlərlə üz-üzə qaldım.Şirkətlərin qaynar xəttinə zəng edib düşmək böyük bir problemə çevrildi.Hər iki hadisədə sürücülərin əsəbi vəziyyəti, mənə ünvanlanan, nə oldu sualları,zənglərlə cavab verməyən Qaynar Xəttlər…
Bu sadəcə bir biabırçılıq və mənim fiaskom idi.Təxminən saat yarımlıq zəng cəhdlərimdən sonra,müəyyən tanışlıqlar vasitəsi ilə, Qaynar Xəttlə əlaqə mümkün oldu.Mənim nə baş verir sualıma cavab: – Telefon nömrələrimizdə problem var…Vəssalam…
Hörmətlı Sığorta şirkətlərinin rəhbərləri…Satış edib,pul yığmaq əlbəttə gözəl işdir.Satışlarınız bol olsun.Amma sizlərə pul ödəyib,lazım olan anda sizlərdən xidmət görməyən müştərilər Sığorta işinə inamlarını tiirirlər. Sığorta məmnuniyyəti deyilən bir anlayış var ki,mən nə qədər də əməkdaşlıq etdiyim şirkətləri tərifləyib,göylərə qaldırmsam da, sonda siz öz yanaşmanızla biz sığorta vasitəsilərinin əziyyətini yerə vurub,heç edirsiniz.Belə işləmək olmaz.Belə sığorta bazarı inkişaf etdirmək olmaz.Bacarmırsınızsa, imtina edin İcbari avto sığorta lisenziyalarınızdan. Tərk edin bazarı.Qoy bu işi bacaranlar bazarı inkişaf etdirsinlər.