Pulumu verin… Əcaib bir vəziyyət.

Son bir neçə gündə sosial şəbəkələrdə paylaşılan bir məsələ məni bu yazını yazmaga məcbur etdi.
Deməli belə…
Vaxtı ilə “Standard insurance” Sıgorta şirkəti ilə əməkdaşliq etmiş Rəşad Vəliyev adli sigorta vasitəçisi, şirkət ləgv olunduqdan sonra ona çatasi 2068 azn agent komissiyasını ala bilmir. Və buna da müxtəlif səbəb və bəhanələr gətirirlər.Bu vətəndaş artiq 6 aydır ki, müraciət etmədiyi və yazmadıgı dövlət orqanı qalmayıb, nəticə isə sıfırdır.
Bu vətəndaşın müraciətini sosial şəbəkələrdə görəndən sonra, yadıma düşdü ki, ey dili qafil, bəs axı sən də may ayının 20 günü üçün agent komissiyasını almamısan axı. Dörd ay keçib və səni itirib axtaran da yoxdu.
Pandemiyanın tügyan etdiyi bir dövrdə sıgorta şirkətinin ləgv edilməsi və yüzlərlə insanın işsiz qalmasi bir yana, əziyyət çəkib satış edib sigorta şirkətinə ötürdüyün vəsaitin komissiyasınin da verilməməsi sadəcə olaraq anlaşılmazdır.
Onsuz da satışların azalması, qazancın minimuma enməsi bir problemdir. Digər tərəfdən də gözünü dikib ayin sonu almaga ümid etdiyin xeyli bir məbləgin ödənməməsi indiki vaxtda böyük sixinti yaradir.
Odur ki, mən də Rəşad Vəliyevə qoşularaq tələb edirəm –
– PULUMU VERİN.